الدورة الـ 57 من معرض القاهرة الدولي للكتاب من 21 يناير لـ 3 فبراير

يوم 21 هيكون مقتصر على أصحاب الدعوات الخاصة، والمعرض هيفتح أبوابه للجمهور كل يوم، بداية من الخميس 22 يناير لـ 3 فبراير، من الساعة 10 ص لحد الساعة 8 م، ماعدا أيام الخميس والجمعة هتكون مواعيد المعرض من 10 ص لـ 9 م.

معرض القاهرة الدولي للكتاب واحد من أكبر وأهم معارض الكتب، وفي الدورة اللي فاتت وصل عدد الزوار لأكتر من 5 مليون زائر، وده لأنه بيشارك فيه مئات دور النشر من مصر ومن بلدان عربية وأجنبية، وده غير الأنشطة المختلفة اللي بيقدمها المعرض من ندوات ومحاضرات، وورش عمل، وفعاليات للأطفال.