"الصحة": 50 مليون رسالة للمواطنين عشان يشاركوا في المسح القومي لفيروس سي

قالت الدكتورة هالة زايد، وزيرة الصحة والسكان، إن الوزارة هتبعت  رسائل توعوية لـ50 مليون مواطن على موبايلاتهم بالتعاون مع منظمة الصحة العالمية، عشان توعي المواطنين بأهمية عمل التحاليل اللي بتكشف عن فيروس سي، وتوجيههم للعلاج.

ووضحت الوزيرة  إن المسح القومي هو أكبر حدث من نوعه في التاريخ على مستوي العالم ومش بس مصر، وقالت: "مينفعش وزارة بطولها تشتغل حاجة زي دي لوحدها".

وأشارت إلى إنه هيتم توزيع منشورات توعوية، والتعاون مع مختلف الجهات المجتمعية في المبادرة زي قيادات المجتمع، وأعضاء مجلس النواب، والعمد والمشايخ، وهيتم التنسيق مع كل الأطراف في هذا المجال.