وزير التعليم: امتحانات الثانوية العامة الجاية هتكون إلكترونية للي معاهم التابلت

الدكتور طارق شوقي، وزير التربية والتعليم، قال إن نظام الامتحانات الجديد هيكون مختلف وبيقيس الفهم مش الحفظ، وفكرة إنه إلكتروني أو ورقي مش هو الهدف، لكن الهدف هو تغيير طريقة التعلم.

وأوضح الوزير إن امتحانات الثانوية الجاية هتكون إلكترونية للطلبة اللي تسلموا التابلت، باقي الطلبة هيمتحنوا ورقي بنظام الأسئلة الجديدة. وأشار الوزير إلى إن العام الدراسي الجديد، مع وجود فيروس كورونا، هيكون صعب وهيتم تحديد شكله قبل الأسبوع الأول من سبتمبر الجاي.