انطلاق مسابقة "مصر في عيون أبنائها في الخارج"

المسابقة موجهة للأطفال اللي عايشين برة مصر من سن 10 لـ 15 سنة، وتقدر تبعت العمل اللي هتشارك بيه على إيميل المجلس القومي لثقافة الطفل: infoenccc@gmail.com ومعاه بياناتك الشخصية من الاسم، والسن وتاريخ الميلاد، ومكان الميلاد، ودولة الإقامة، واسم العمل، ورقم التليفون، والإيميل، وعنوان المراسلة، وصورة جواز السفر، وصورة الإقامة.

أما عن شروط الإشتراك في مسابقة الشعر أو القصة القصيرة، فالعمل لازم يعبرعن الوطن والانتماء سواء كانت باللغة العربية الفصحى أو بالعامية المصرية.

أما لو هتشترك في مسابقة الرسم، فاللوحة لازم تعبر عن مصر الحديثة من مشروعات قومية جديدة، أو العاصمة الجديدة، أو المدن المصرية الجديدة أو أي موضوع تاني يراه المتسابق.

بشرط إن مقاس اللوحة يكون من 30 سم لـ 40 سم، ويمكن استخدام أي خامات.

جدير بالذكر إن مسابقة مصر في عيون أبنائها في الخارج بدأت من سنتين ونص، استلهامًا من تجربة مسابقة مصر في عيون أطفال العالم اللي بدأت من أكتر من 35 سنة.