بعد 15 سنة توقف، هترجع تاني الرحلات البحرية الكبرى من الإسكندرية لمدن العالم السياحية في أعياد الميلاد والكريسماس، في رحلات هتمتد لـ 11 ليلة، وهتضم عدد من أبرز الوجهات السياحية في البحر الأبيض المتوسط.

الرحلة دي هتتيح للمسافرين إنهم يبدأوا مغامرتهم من مصر مباشرة، من غير ما يحتاجوا يسافروا دولة تاني عشان ينضموا للسفينة ويقضوا ليالي في البحر المتوسط زي ما كان بيحصل على مدار السنين اللي فاتت.

الرحلات هتبدأ من بداية ديسمبر بمواعيد مختلفة وهتمر على بلاد زي كرواتيا، وإيطاليا واليونان وقبرص قبل ما ترجع تاني لمصر وتقف في ميناء بورسعيد وبعده ميناء الإسكندرية.

الرحلات دي تابعة لشركة MSC Cruises المتخصصة في تسيير البواخر الكبيرة والعالمية وأسعارها بتبدأ من 1200 دولار حسب الوجهة وعدد الأيام وميعاد الرحلة.

وعشان تعرف تفاصيل أكتر تقدر تتواصل مع الشركة نفسها.

الموضوع اللي فات فتح باب التقديم لمسابقة السيناريو بالمركز القومي للسينما
الموضوع اللي جاي مصر الخامسة عالميًا في إنتاج الطماطم بـ ٧.١ مليون طن سنويًا

مصر الخامسة عالميًا في إنتاج الطماطم بـ ٧.١ مليون طن سنويًا