تميم يونس حذف أغنية "سالمونيلا" من كل المواقع

في يناير 2020 نشر تميم يونس أغنية "سالمونيلا" اللي اشتهرت باسم "عشان تبقي تقولي لأ"، الأغنية تم اتهامها بالتحريض على العنف ضد المرأة والتشجيع على التحرش، بس تميم كان مصمم إنها بتقول العكس، ورفض يمسحها. 

الفترة الأخيرة حصلت انتفاضة بسبب حكايات أحمد بسام زكي اللي بيتهمه أكتر من 100 بنت إنه اتحرش بيهم واغتصبهم، وفي وسط كل ده تميم يونس كتب بوست إنه رفع قضية تشهير على متهميه بالتحرش، فتم مهاجمته عشان الناس حست إنه بياخد اللقطة ورجعوا افتكروا الأغنية اللي شايفين إنها بتحرض على التحرش، فتميم قرر إنه يمسح الأغنية خالص من كل المواقع.

تميم عمل فيديو قال فيه إنه لسه مقتنع إن الأغنية صح بس حتى لو هو صح بنسبة 50% فهو متنازل عنهم عشان يثبت للبنات إنهم يقدروا يعملوا أي حاجة ويقف جنبهم، واعتذر عن سوء الفهم اللي حصل إنه بيحاول ياخد اللقطة.

View this post on Instagram

A post shared by Tameem Youness (@tameemyouness) on Jul 6, 2020 at 4:56pm PDT