"تيك توك": حذف 2.9 مليون فيديو في مصر خلال الربع الأول من 2025

وبالنسبة لمصر، تيك توك حذفت 2.9 مليون فيديو، خلال الربع الأول من 2025، بسبب مخالفتهم لمعايير المنصة، والرقم ده معناه إن تقريبًا كل المحتوى الضار اتشال قبل ما يتم التبليغ عنه، كمان 94% من المحتوى المخالف اتشال في خلال 24 ساعة، وتم حظر 347,935 من المضيفين للبث المباشر، ووقف 587,246 بث مباشر مخالف للإرشادات.

وفي المغرب، حذفت تيك توك1,040,981 فيديو، ونسبة الحذف الاستباقي وصلت لـ98.9%، قبل تبليغ المستخدمين. و92.1% من الفيديوهات دي تم حذفه خلال 24 ساعة، كمان حظرت 44,121 مضيف للبث المباشر ووقفت 77,396 بث.

وفي العراق،  أكتر من 10 مليون فيديو تم حذفه، بنسبة حذف استباقي 99.5%، و95.5% من الفيديوهات المخالفة خلال 24 ساعة،والمنصة حظرت 346,335 مضيف للبث المباشر، ووقفت 649,551 بث مخالف.

وفي لبنان، تيك توك حذفت 1,349,478 فيديو، بنسبة حذف استباقي 99.5%، والمنصة فضلت محافظة على أنظمة اكتشاف قوية، وحذفت 96.9% من المحتوى المخالف خلال أول 24 ساعة، كمان حظرت 24,795 مضيف بث مباشر ووقفت 45,536 بث مخالف.

بيان تيك توك اتكلم كمان عن عمليات الطعن من المستخدمين على قرار حذف الفيديوهات، والمطالبة باسترجاع المحتوى، وقالوا إن أكبر عدد فيديوهات تم استرجاعه في العراق 209,291 فيديو ، بعدها مصر 144,605 فيديو.

 وإرشادات المجتمع في تيك توك بيتم تنفيذها من خلال نظام هجين بيجمع بين الأنظمة التلقائية والمراقبة البشرية، عشان يتم التأكد من إن المحتوى اتراجع بشكل فعال وعادل، ودايمًا بيتم تبليغ صانع المحتوى بحذف محتواه، وإتاحة فرصة تقديم طعن.