جروب The Hair Addict'sهيعملوا ورش للأطفال في الحضانات عشان يعلموهم يهتموا بشعرهم

جروب The Hair Addict's هينظم لأول مرة في مصر ورش وجلسات تعليمية للأمهات والأطفال في الحضانات تحت اسم "Teach Them Self-love". الهدف الأساسي منها هو التخلص من وصمة وإحساس الخجل من الشعر الطبيعي وكمان توعية  للأمهات بمدى أهمية الإهتمام بشعر بناتهم ويعلموهم إزاي يعززوا ثقتهم في نفسهم، وانهم يحبوا شعرهم الطبيعي. 

الورشة هتبدأ في حضانة Leap في Kattamiya Plaza  يوم الأثنين 10 ديسمبر من الساعة 10 صباحا ولحد الساعة 1 الضهر وهتتكون من ثلاثة أجزاء: محاضرة عن ممارسات العناية بالشعر الطبيعي للأطفال والأمهات، ومحاضرة عن علم نفس الطفل، وتعليم الأطفال إزاي يحبوا نفسهم، وكمان هيقدموا للأطفال قصات شعر مجانية من واحد من متخصصين The Hair Addict Professionals .