دينا الوديدى وإيچيبشن بروچيكت مع بعض في حفلة واحدة أونلاين

صفحة Telecom Egypt على فيسبوك، أعلنت عن حفلة مزيكا أونلاين يوم الجمعة، هيكون فيها دينا الوديدي وإيجيبشن بروجيكت مع بعض، وهتكون يوم الجمعة 8 مايو الساعة 10 بالليل على قناة Telecom Egypt على يوتيوب من هنا: https://bit.ly/YouTube-WE

دي هتكون تاني أداء أونلاين لدينا الوديدي، بعد ما سبق وغنت مع جمهورها لايف على انستجرام. كمان عدد كبير من النجوم والفرق اتجهوا لتقديم حفلات أونلاين بعد انتشار فيروس كورونا ومحاولة تشجيع الناس على الالتزام بالتباعد الاجتماعي وتسليتهم في البيوت، ومنهم مسار إجباري وكايروكي وعلي الحجار.