حفلة لتكريم هاني شنودة يوم ٢ أكتوبر في مهرجان "هي الفنون"

مهرجان "هي الفنون" هيحتفل وهيكرم الموسيقار هاني شنودة خلال دورته الجاية، وده يوم الجمعة 2 أكتوبر بقاعة ايوارت في الجامعة الأمريكية بالتحرير، وده بصفته واحد من أهم رواد الموسيقى المصرية اللي ألحانه كَبِرت معانا، وشكّلت وجدان الأجيال.

هاني شنودة هو مؤسس فرقة "المصريين"، وصاحب الموسيقى التصويرية الخالدة لأفلام زي المشبوه، والحريف، وشمس الزناتي، وأغاني مشهورة زي زحمة يا دنيا زحمة، ماشية السنيورة، وأنا بعشق البحر.

التذاكر متاحة على موقع TicketsMarche، ومتوفرة بفئتين سعريتين هما: 760 جنيه، و860 جنيه.