حفلة لـ أنغام في الأهرامات يوم 1 ديسمبر

تذاكر الحفلة دلوقتي متاحة على موقع تذكرتي، وأسعارها بتبدأ من 2500 جنيه وبتوصل لـ 12000 جنيه حسب الفئة.

دي المرة التالتة اللي أنغام بتشارك فيها في حفلات ليالي مصر، بعد حفل مايو اللي فات على مسرح النافورة بدار الأوبرا، وأول مشاركة كانت في أكتوبر 2024 بحفلين متتاليين في ساحة مسرح المتحف المصري الكبير.

شروط الحضور:

-مفيش استبدال أو استرجاع للتذاكر.

-ممنوع دخول الأطفال أقل من 12 سنة.

-ممنوع دخول الأكل أو المشروبات.

-الحضور بالزي الرسمي (بدلة + كرافتة).

مشروع ليالي مصر بدأ في مايو 2024 برعاية الشركة المتحدة والخدمات الإعلامية بالتعاون مع تذكرتي والمتحدة برودكشن، وهدفه تنظيم حفلات فنية في محافظات مصر المختلفة، والترويج للسياحة الداخلية، ودعم الفن والثقافة المصرية.

المشروع حقق نجاح كبير من خلال حفلات لنجوم كبار زي أنغام، حكيم، محمد حماقي، رامي صبري، مسلم، محمد عدوية، كايروكي، وديسكو مصر، في القاهرة، الإسكندرية، المنوفية وغيرها.

آخر أعمال أنغام الغنائية كانت أغنية "اختلفنا فرقنا افترقنا" اللي طرحتها مؤخرًا على يوتيوب، كلمات وألحان عزيز الشافعي، توزيع وميكس وماستر طارق مدكور.