سلمى أبو ضيف أول مصرية سفيرة للعلامة التجارية لويفي LOEWE

اختيار سلمى جه بالتزامن مع تولي مشرف إبداعي جديد لبراند لويفي، وهي من أوائل النجمات العرب اللي وقعوا مع براندات عالمية كسفيرة ليهم بداية من سنة 2021، لما اختارتها شركة الأزياء العالمية Maison Valentino عشان تكون الوجه الإعلاني على مدار أكتر من سنتين.

وفي سياق تاني، حاليًا بيتعرض لسلمى أبو ضيف فيلم "هيبتا 2"، واللي بيضم عدد كبير من النجوم، منهم: منة شلبي، وكريم قاسم، وكريم فهمي، وهو من تأليف محمد صادق وإخراج هادي الباجوري، والفيلم مقتبس عن رواية "هيبتا" لـ محمد صادق اللي اتنشرت في 2014.

كمان سلمى انتهت من تصوير مسلسل "بنج كلي"، بطولتها مع دياب وتأليف محمد سليمان عبد المالك وإخراج نادين خان، وإنتاج عبد الله أبو الفتوح. 

ودلوقتي بتصور فيلم "ايجي بست" اللي بيشاركها في بطولته أحمد مالك، وهو تأليف أحمد حسني وإخراج مروان عبد المنعم.