عرض ١٠ أفلام من مهرجان الجونة السينمائي في سينما زاوية

يوم السبت 19 أكتوبر هيتعرض فيلم قمر أزرق "  Blue Moon " الساعة 7 مساءً ، وفيلم حادث بسيط "It Was Just an Accident " الساعة 9 ونص مساءً.

يوم الأحد 20 أكتوبر هيتعرض فيلم لو المحظوظ "Lucky Lu" الساعة 7 مساءً،  وفيلم ضع روحك على يدك وسِر"Put Your Soul On Your Hand And Walk" الساعة 9 ونص مساءً.

يوم الاثنين 21 أكتوبر هيتعرض فيلم شاعر" A Poet"  الساعة 7 مساءً، وفيلم كيف تبني مكتبة " How to Build a Library" الساعة 9 ونص مساءً.

يوم الثلاثاء 22 أكتوبر هيتعرض فيلم البعث "Resurrection" الساعة 7 مساءً، وفيلم صوت السقوط " Sound of Falling" الساعة 9 ونص مساءً.

يوم الأربعاء 23 أكتوبر هيتعرض فيلم قيمة عاطفية" Sound of Falling"  الساعة 7 مساءً، وفيلم أب، أم، أخت، أخ "  Father Mother Sister Brother"  الساعة 9 ونص مساءً.

حجز التذاكر بدأ من  14 أكتوبر، وتقدر تحجز تذكرتك من شباك تذاكر سينما زاوية في وسط البلد أو من خلال موقع السينما zawyacinema.com.

زاوية بدأت سنة 2014 كمكان مختلف لعشاق السينما في القاهرة، ومن وقتها وهي بتقدم أفلام مستقلة، طويلة، قصيرة، تسجيلية وتجريبية، وكمان بتنظم فعاليات زي بانوراما الفيلم الأوروبي ومهرجان زاوية للأفلام القصيرة.

سنة 2015 زاوية فتحت فرع للتوزيع السينمائي علشان توصل الأفلام البديلة لجمهورها الحقيقي، وفي 2018 انتقلت لمقرها الحالي في سينما كريم بوسط البلد، بشاشتين وسعة أكتر من 380 كرسي.

زاوية النهارده بقت واحدة من أهم منصات عرض السينما المستقلة في مصر والعالم العربي، وعضو في شبكة ناس للشاشات العربية البديلة.