فتح باب التسجيل بمسابقة "جائزة القراءة الكبرى" حتى 15 مارس 2026

الدورة دي من المسابقة هتكون تحت عنوان "مصر في النصف الأول من القرن العشرين.. تحولات مجتمع ونهضة أمة"، وده لأنها من الفترات الغنية في تاريخ مصر، اللي كان فيها تحولات وتطورات أثرت في تاريخ مصر المعاصر على كل الأصعدة. والمطلوب من المشتركين في المسابقة إنهم يقروا كتب عن تاريخ النصف الأول من القرن العشرين، وأهم الإسهامات الفكرية والأدبية اللي كانت خلال الفترة دي.

وبحسب برنامج الجائزة، فهيتم الإعلان عن أسماء الفائزين يوم 30 يونيو 2026، وهيتعمل حفل توزيع الجوائز خلال معرض الإسكندرية الدولي للكتاب في نص شهر يوليو 2026، بحضور رموز ثقافية وإعلامية. وهيتم تكريم 100 متسابق بجوايز مادية وأدبية مختلفة، فصاحب المركز الأول هيفوز بـ 50 ألف جنيه، والثاني 40 ألف جنيه، والثالث 30 ألف جنيه، والرابع 20 ألف جنيه، والخامس 10 آلاف جنيه. 

ووضح مدير مكتبة الإسكندرية إن الجائزة موجهة لكل المصريين في كل المحافظات، وبتركز بشكل خاص على الشباب من 18 لـ 40 سنة. وتقدر تشترك في المسابقة وتعرف أهم المراجع اللي هتقرأ منها من خلال موقع المسابقة readingcompetition.bibalex.org

الصورة من المشروع الوطني للقراءة