فتح باب التقديم لمهرجان منصات للأفلام وآخر ميعاد يوم 18 فبراير

التقديم لمهرجان منصات للأفلام مجاني، والأفلام اللي هتتقدم لازم تكون مدتها أقل من 30 دقيقة لكل الفئات، ومش شرط تكون عرض أول.

ومن شروط التقديم للمهرجان إن الفيلم يكون تم إنتاجه بعد 31  ديسمبر 2023 ومش متاح للمشاهدة عبر الإنترنت بشكل علني، وإنكم بتقدّموا فيلم واحد بس لكل فئة (فيلم روائي واحد + فيلم وثائقي واحد).

آخر ميعاد للتقديم للمهرجان يوم الأربع 18 فبراير الساعة 11:59 بليل بتوقيت القاهرة، والتقديم من خلال اللينك اللي في البايو على أكونت المهرجان على انستجرام.

مهرجان منصات للأفلام مقدم من مؤسسة مصر دوت بكرة لتنمية المهارات، وتُقام دورته العاشرة من 20 لـ 23 مايو في سينما زاوية بوسط القاهرة.