مهرجان إيزيس الدولي لمسرح المرأة فتح باب التقديم للمسرحيات لـ 25 أغسطس

مهرجان إيزيس الدولي لمسرح المرأة، فتح باب التقديم للعروض المسرحية المصرية اللي بتتكلم عن قضايا المرأة، أو بتشارك في صناعتها النساء، وآخر ميعاد للتقديم يوم 25 أغسطس، وتقدر تشارك بمسرحيتك عن طريق الإستمارة من هنا.

والمسرحية اللي هتشارك لازم يتوفر فيها مجموعة من الشروط، وهي:

تقديم تسجيل فيديو كامل للعرض بجودة عالية، والعرض تكون مدته ما بين 30 و90 دقيقة.

والمهرجان هيقدم دعم مالي قيمته 10000 جنيه، لكل فرقة هيتم اختيارها، لكن مش هيتم تغطية تكاليف الانتقال أو الإقامة للفرق من خارج القاهرة، والعروض المقبولة هيتعلن عنها يوم 1 سبتمبر.

جدير بالذكر إن دي الدورة الثالثة من مهرجان إيزيس الدولي لمسرح المرأة، بعنوان دورة الفنانة سميحة أيوب، وهتكون من 25 سبتمبر لـ 2 أكتوبر في القاهرة.

والمهرجان بتنظمه مؤسسة جارة القمر، وإدارته بتتكون من المخرجة والممثلة عبير لطفي رئيسة المهرجان، والكاتبة والمخرجة عبير علي حزين، والكاتبة والناقدة رشا عبد المنعم مديرة المهرجان، ومصطفى محمد ومنى سليمان المديرين التنفيذيين، وتحت رعاية ودعم وزارة الثقافة.