مهرجان الفيوم السينمائي لأفلام البيئة فتح باب التقديم لحد 10 سبتمبر

المهرجان هيستقبل الأفلام في 3 مسابقات مختلفة:

1- المسابقة الدولية للأفلام الروائية والتسجيلية والرسوم المتحركة الطويلة، وفيها الفيلم مايقلش عن 60 دقيقة.

2- المسابقة الدولية للأفلام الروائية والتسجيلية والرسوم المتحركة، وفيها الفيلم مايزيدش عن 30 دقيقة.

3- مسابقة أفلام طلاب المعاهد والجامعات المصرية وبرضو الفيلم مايزيدش عن 30 دقيقة.

وفي كل المسابقات شرط أساسي إن الفيلم  يكون إنتاج سنة 2024 أو 2025، ومُترجم للإنجليزي، وماتعرضش في أي مسابقة أو مهرجان قبل كده.

المهرجان هدفه تطوير البيئة الثقافية، عن طريق الأفلام اللي بتهتم بالبيئة والفنون المعاصرة.

والجدير بالذكر إن الدورة الأولى من المهرجان شارك فيها 16 دولة عربية وأجنبية، كأول مهرجان للسينما في محافظة الفيوم، وحضر الافتتاح عدد من الممثلين وهما: إلهام شاهين، ورانيا فريد شوقي، وداليا مصطفى، وأحمد مجدي، وأحمد فتحي، وحمزة العيلي.

والمهرجان بتنظمه مؤسسة مسار للثقافة والفنون مع جامعة الفيوم وتحت إشراف محافظة الفيوم ووزارة الثقافة.