مهرجان منصات للأفلام من 20 لـ 23 مايو بسينما زاوية

المهرجان بيشمل 6 منصات تنافسية، بتضم أفلام روائية وتسجيلية لطلبة وصناع أفلام. كمان هيكون فيه عرضين خارج المسابقة؛ واحد بتنظيم منصة "قبلة في الصحراء"، والتاني من تنظيم "سينيوليو" اللي بتشارك لأول مرة.

وغير الأفلام فالمهرجان هيضم عدد من الورش والجلسات اللي فيها هتقدر تتناقش مع صناع السينما في كواليس الأفلام والأعمال الدرامية، زي فعالية "قراءة خاصة لسيناريو سهر الليالي" يوم 20 مايو، وجلسة «بين الحرية والرعاية: من يحمي الممثل؟» يوم 22 مايو.

فـ لو حابب تكون جزء من المهرجان تقدر تحجز تذكرتك من شباك تذاكر سينما زاوية، وماتنساش تتابعنا عشان تعرف تفاصيل أكتر عن برنامج "منصات".