"ميدفست مصر" فتحت باب التقديم لمسابقة "تحدي صناعة الأفلام خلال 72 ساعة

مهرجان ميدفست مصر أعلن عن إطلاق "تحدي صناعة الأفلام خلال 72 ساعة" ضمن فعاليات دورته التامنة المقرر إقامتها من يوم 10 لـ 14 سبتمبر في مقر الجامعة الأمريكية بميدان التحرير.

وباب القديم دلوقتي مفتوح ولحد يوم 23 يوليو، تقدر تقدم فيلمك وتقوم بكتابة وتصوير ومونتاج فيلم قصير خلال 72 ساعة، باستخدام عناصر إبداعية هيتم استلامها يوم 30 يوليو، وآخر ميعاد للتسليم النهائي للفيلم هو يوم 2 أغسطس، والأفلام اللي هيتم اختيارها هتتعرض ضمن فعاليات المهرجان. 

وقيمة الجائزة بتوصل لـ 40 ألف جنيه للمخرج، بجانب جوائز لأفضل تصوير وأفضل ممثل/ة وأفضل مونتير/ة، والمشاركة متاحة للمصريين والعرب المقيمين في مصر، ولا تشترط خبرة سابقة، لأن التقييم هيعتمد على جودة الفكرة وقوة الحكي والعمل الجماعي.

تقدر تقدم من خلال اللينك ده https://forms.gle/tYjkeSFG8oAMMNg28 .