وزارة الثقافة اتبنت مشروع الفنانين التشكيليين مها جميل وعلي عبد الفتاح

وزارة الثقافة أعلنت دعمها وتبنيها لمشروع الفنانين مها جميل وعلي عبد الفتاح، أصحاب مشروع "ذهب أسوان"، لرسم وتجميل واجهات عدد من العمارات السكنية والمشروعات على طريق السادات اللي بيوصل للمطار الدولي بمدينة أسوان.

والوزارة هتعمم التجربة في عدد من المحافظات، خصوصًا المحافظات السياحية، عشان كل محافظة يكون ليها طابع وهوية وتراث خاص بيها على جدران مبانيها ومشروعاتها العمرانية. 

والتجربة هتشمل كمان تدريب الفنانين التشكيليين من شباب المحافظات على تقنيات تنفيذ الجداريات، عشان يزودوا مهارتهم ويكون عندهم فرصة للمشاركة في المشروعات القومية.

جدير بالذكر إن مشروع "ذهب أسوان" هي مبادرة فنية وثقافية بيقدمها الفنانان التشكيليان مها وعلي، نفذوا فيها أربع جداريات عملاقة عن الهوية المصرية وثراء مدينة أسوان على مر التاريخ. 

الجداريات الأربعة بيحكوا حكايات متكاملة: الأولى عن تاريخ الذهب الممتد في جذور الحضارة المصرية، والثانية عن الحرف والفنون النوبية اللي بتتسلم عبر الأجيال، والثالثة عن أبناء السد العالي اللي كتبوا حلمهم بإرادة وكفاح، والرابعة عن أسوان أرض الذهب والمستقبل.