"بنحارب الجوع والفقر": حوار مع مؤسس مبادرة "شجرها" اللي زرعت 100 ألف شجرة مثمرة

البداية كانت في شهر أبريل سنة 2016، لما المهندس عمر الديب لقى ناس في الشارع بتاكل من شجرة مثمرة مزروعة قدام بيته، ففكر ليه مانزرعش شجر مثمر في كل مكان والناس تستفيد منه وتاكل فاكهة ببلاش؟ بعدها بكام يوم كان بيأسس مبادرة "شجرها" مع مجموعة من المتطوعين، وحطوا لنفسهم هدف إنهم يزرعوا 100 ألف شجرة مثمرة قبل 2020. لكن الهدف اتحقق بدري ومع نهاية 2019 كانوا وصلوا لأكتر من العدد ده في مصر وفي دول عربية.

قابلنا عمر وسألناه عن المبادرة، ازاي قدر يحقق الحلم ده وأصعب المشاكل اللي قابلوها وأهم الإنجازات اللي المبادرة وصلتلها من وقت بدايتها؟ ازاي ممكن الناس تشارك وهل الشجر مثمر ينفع يتزرع في أي مكان؟ وإيه أحلامه لسنة 2020؟ اتفرج على حوارنا معاه وشارك في المبادرة باللي تقدر عليه