عندك فكرة إن "السبع وصايا" مستوحى من قصة حقيقية؟

المؤلف محمد أمين راضي معروف من أول أعماله بالفانتازيا والأفكار اللي مش جوه ولا بره الصندوق، كل عمل بيقدمه لازم يكون وراه قصة وكواليس مختلفة وبيثير تساؤلات عند الجمهور.

زي إن مسلسل "السبع وصايا" اللي اتعرض في رمضان 2014 والقصص الغريبة اللي عرضها اكتشفنا إن المسلسل كله مستوحى من قصة حقيقية، حسب كلام محمد أمين راضي في تصريحاته السابقة اللي قال إنه قرأ عن حادثة مجموعة أخوات قتلوا والدهم، ومن هنا استوحى فكرة المسلسل اللي بنى عليها أحداث كتير من وحي خياله.

كمان مسلسل "نيران صديقة" هو واحد من أهم أعمال محمد أمين راضي وأولهم، اتعرض سنة 2013 واللي قال عنه "راضي" إنه اترفض من منتجين كتير ومحدش كان متحمسله لحد ما "نصيبه جه" والمسلسل استغرق سنتين ونص علشان يطلع للجمهور.