عندك فكرة إن محمد ممدوح استلهم دور "أمين" من شخصية حقيقة؟

مين فينا متأثرش بـ دور "أمين" وتعاطف معاه وكان عايز يجيبله حقه من عيلة "حفظي"؟

تقريبًا كلنا عملنا كدة لأن محمد ممدوح كان مصدق الدور جدًا وهو بيمثله في مسلسل "جراند أوتيل" سنة 2016.

شخصية "أمين" كانت طيبة بسذاجة وبتعبر عن الناس اللي بتفضل محبوسة في إطار معين أهلهم بيحطوهم فيه طول عمرهم.

واللي عرفناه من محمد ممدوح إن الشخصية دي هو استوحاها من شخصية حقيقية شافها كان بيتعامل كدة بظبط في الحقيقة وكل السمات أخدها منه.

وقال محمد ممدوح في لقاء سابق: قابلت واحد كان معايا في الكلية كان مقضي دراسته كلها منازل وحياته كلها كانت في البيت مش بيخرج منه ومامته بتخاف عليه جدًا، وبدأ يخرج في الجامعة وكان ضخم جدًا وكان بيتهز كتير وماكناش فاهمين ماله لحد ما عرفنا قصته.