جوجل ويوتيوب هيمنعوا المحتوى الإرهابي

بعد زيادة الأحداث الإرهابية في العالم كله، جوجل قالت إنها هتحط شوية إجراءات علشان تحدد وتحذف أي محتوى إرهابي بيشجع على العنف والتطرف خاصة فيما يخص يوتيوب. جوجل قالت إنها هتمنع الفيديوهات حتى لو مافيهاش انتهاك لسياساتها طالما بتحتوي على أي محتوى متعصب أو بتستخدم الدين في التحريض، وهتدرب فريق متخصص في تحديد المحتوى المتطرف ومسحه.

ده كله جه للحد من مشاهد اليوتيوب اللي بتروج للعنف الإرهابي أو بتساعد في تجنيد متشددين.