iPhone الجديد هينزل بميزة الشحن "wireless"

إيه الحاجة اللي بتحصل آخر كل سنة؟ صح! أيفون بتنزل العدة الجديدة بتاعتها. وصلنا في 2017 لغاية أيفون 8 اللي قريب شركة أبل هتعلن عنه وعن تفاصيله، لكن المهتمين بالتكنولوجيا في كل العالم، بيسربوا تفاصيل عنه، وآخر تفصيلة هي إنه هيدعم الشحن اللاسلكي، لكن علشان تشحنه لاسلكي، هتضطر تشتري جهاز زيادة كدة هيتباع لوحده مش جاي مع التليفون؛ الحداية مابترميش كتاكيت!

سامسونج بقالها سنين بتستخدم ميزة الشحن اللاسلكي، لكن أيفون قررت لأول مرة تدخل في التراك وتستخدم الخاصية دي. نيجي بقى للجزء المهم، هتدفع كام في البتاع ده؟ أيفون 8 الشركات بتتوقع إنه هيعمل 850 أو 900 دولار، يعني مثلا 16 ولا 17 ألف جنيه، حسب الدولار ساعتها هيكون وصل كام.