فوربس: لبنان أفضل بلد ممكن تزورها في الأكل والخمور

نشر موقع "فوربس" مقالة للكاتبة "لورين مويري"، بتقول إن لبنان هي أفضل دولة في العالم في الأكل والواين (الخمور)، "مويري" كتبت المقال ده عن رحلتها للبنان اللي استمرت 9 أيام، ابتدت فيه تتكلم عن الوضع السياسي اللي غير من خريطة لبنان، وخلى مع الأسف البنية التحتية لسه ماكتملتش، ومخيمات اللاجئين لسه بتزحف على المدن، ده غير الزحمة الشديدة اللي تخلي نيويورك بالنسبة لها مش زحمة أبدًا، يمكن دي حاجات تحسسك إن تقضية أجازة هناك فكرة وحشة، بالعكس تمامًا.

التقرير اللي اتنشر على جزئين، متكلم على إن رغم الفوضى اللي في لبنان، بسبب السياسة اللي ليها مرجعيات دينية، وسنين الحرب الأهلية اللي معلمة في كل شبر، بس الروح اللبنانية الجميلة بتعوض كل حاجة، وإن الشعب اللبناني منفتح طول الوقت على كل الثقافات وعندهم حماس إنهم يشاركوا ثقافتهم مع الناس، كمان مطبخهم اللي متنوع جدًا في مأكولاته والخمور خاصة الواين، بيجبرك إنك لازم تقعد وقت أطول تكتشف فيه جمال لبنان.

التقرير قال عن المطبخ اللبناني إنه بيبتدي تاريخه من آلاف السنين، لإنه كان من أوائل المطابخ في العالم، ده غير إنهم بيحبوا الحياة رغم مآسي الحرب اللي مروا بيها، ماتحسش أبدًا إنك غريب هناك، بسبب طيبة الناس معاك.

تقدر تقرا الجزء الأول من المقال من هنا والجزء التاني من هنا

الصور من تصوري "لوري موري"