مركز ITI Makerspace هتقدر تتدرب فيه على البرمجة والحرف اليدوية

مكان بيجمع بين التعليم ومتعة اللعب، سمعت الجملة دي فين قبل كده؟ إعلان Spacetoon باين؟ دلوقتي ITI Makerspace  بيقدم لك ده هو كمان.

المختبر والمعمل التابع للحكومة تم إنشاءه سنة 1993، وبيقدم مجموعة من الورش الصناعية والتكنولوجية مجانًا، وتقدر تروح تستخدم واحدة من أحدث أنواع المكن، سواء طباعة 3D أو حاجة تانية. كل ده في محاولة لخلق منصة لتبادل المعرفة، وتحفيز العقل والابتكار.

يعني أنت وأطفالك ممكن تروحوا تكتسبوا مهارة ومعرفة أكبر حوالين مفهوم التصنيع بأنواعه واستخداماته المختلفة اللي ممكن تساعدك في تنفيذ حاجة تخص شغلك، وتساعدهم على تنمية مهاراتهم وتنوَّر في عقولهم لمبة أمل ممكن يستفيدوا بيها في المستقبل. هناك هتلاقي عدد كبير من ورش العمل والتدريبات المجانية اللي ممكن أي حد يشارك فيها، سواء صاحب عمل تجاري أو صناعي، طالب جامعة، مدرس، أو حتى طفل. والمجالات هي؛ digital fabrication و   rapid prototyping

الوقت جالك عشان تبقى مميز في التكنولوجيا، والفضل يرجع لـ معهد تكنولوجيا المعلومات.

المركز مش الأول من نوعه، أكيد قابلت مراكز شبهه في الفكرة، لكن الفرق إن في المركز ده مش هتحتاج تستنى ليستة طويلة من الاجراءات عشان تبقى جزء منه، ولا تدفع اللي وراك واللي قدامك، هناك هتستخدم الآلات وتحضر الورش أيًا كان عرضك إيه، في مدة تتراوح من يوم لسنة، المهم روح وانت متأكد إنك هتلاقي نظام بأسعار تناسبك.

ITI Spacemaker مش بس للحرف اليدوية، لو بتحب ال coding وال programming هناك هتلاقي مجموعة متنوعة من لوحات Arduino ومجموعة متنوعة من الذبذبات عشان يساعدوك ويحولوا عمليات الترميز والبرمجة لعمليات أكثر سلاسة.

في ITI Spacemaker هتلاقي برامج سهل الوصول ليها، في نفس الوقت متعمقة ومناسبة لجميع الأعمار، وطاقم عمل متحمس للمساعدة وعنده بصيرة وإدراك لأهمية اللي بيعمله، وبيئة عمل بتحتضن المفكرين والمصممين عشان تحفِّزهم يعملوا إنجازات أكتر. اعرف أكتر عنهم من هنا.

ترجمة: نور صلاح.