11 مزج مختلف تسمعهم على ساوند كلاود

1- إحياء لذكرى شارع الأبطال محمد محمود

محمد محمود مش مجرد حدث سياسي حصل في الفترة الثورية من عمر مصر، هو كمان فترة شكِّلت شباب كتير سواء من المشاركين فيه أو اللي شهدوا حدوثه بس.

سواء كنت مؤيد لأحداث محمد محمود أو معارض التراك هيعجبك عشان مجمَّع حاجات كتير مرتبطة بيه. أغاني اتغنِّت هناك، هتافات من الشارع، وأصوات عربيات الإسعاف والموتوسيكلات اللي كانت بتستخدم لنقل المصابين.

2- كيف أصبحنا غرباء إلى هذا الحد؟

مشاهد الأفلام اللي بتسمعها مرَّة وتعلِّم في دماغك، الفويس نوتس اللي مش قادرة تنساها، ده تراك المزيكا اللي جمَّعهم سوا

3- مَزج|ما بينَ الأمل و فُقدانِه

اسأل عن اللي يقضي الليل، بين الأمل وبين الذكرى. واسمع التراك ده بالمرَّة.

4- المزج العميق - عفن

أشهر وأقدم مزج اتعمل، مهما قدم ليه ذكرى مع كل حد فينا، ورغم إننا سمعناه كتير أوي -أكتر من مليون مرَّة- إلا إننا مازهقناش منه.

5- سلام لإلك إنتي ياللي مش ممكن تضحكي ضحكة لآخرها

التراك جميل، والأجمل الفقرة اللي كاتبها صاحبه تحته، اقرأها.

6- الحكاية مابتنتهيش

حكاية إيه بالظبط؟ كل حكاية، كل حكاية مابتنتهيش أو في قول آخر زي ما قالت رضوى عاشور في رواية ليها، "الحكايات اللي تنتهي، لا تنتهي طالما قابلة أن تروى".

7- مع إن اللي في القلب أكتر من كده.. بكتير

المزج مدته 47 دقيقة، والإهداء تحته عدى الـ 8 سطور. فين القلب اللي يقدر يستحمل كل ده؟

8- مزيج عن الحب والمزيكا وأشياء أخرى

حط السماعات وركِّز في الصورة اللي استخدمها الشاب اللي عمل ورفع المزج، هي كمان من تصويره. الحالة ككل هتفصلك عن الواقع لمدة 28 دقيقة.

9- تذكر كيف كنا؟

10- وكأننا لم نكن يومًا

11- كنا نتبادل الموسيقى ثم لا شئ

في الغالب كده كل شئ راح مننا.