من الغرب للشرق.. 7 روايات أجنبية بتدور أحداثها في بلاد عربية

مفيش شك إن العرب -أو أغلبهم- مهوسيين دايما بالغرب وإزاي عايشين وإيه هي ثقافتهم، وبسبب ده بنلاقينا مهتمين بأفلامهم ورواياتهم لكن الحقيقة إن الشعور ده متبادل، يعني أهل الغرب كمان بيهتموا بينا وبثقافاتنا وبتنوعها وبيبقوا مهتمين يعرفوا أكتر عننا وإزاي بنعيش، وعشان كده كتير من المؤلفين والمفكرين بره قرروا انهم يكتبوا عن العالم العربي ويعيشوا مع أبطال عرب أو يعيشوا أبطالهم الأجانب في بيئات عربية. في الليست دي هنقولك على 7 من أحلى الروايات اللي ألفها كتّاب أجانب عن العالم العربي.

Mountolive-  The Alexandria Quartet

جزء من رباعية الإسكندرية اللي بدأ إصدارها في سنة 1957 للكاتب البريطاني Lawrence Durrell، Mountolive بتحكي عن تطور العلاقة  الغرامية في مزرعة حسناني بين الشاب ديفيد ماونتولييف و ليلى حسناني اللي عندها طفلين هما "نسيم" و"نيروز" ، وإزاي العلاقة دي بتأثر على مسيرة "ديفيد" المهنية كديبلوماسي في مصر ، حيث بدأ علاقة غرامية مع ليلى حسناني ، أم نسيم ونروز.

م 

Ali and the Golden Eagle

الرواية بتحكي عن  التجارب اللي عاشها المؤلف Wayne Grover خلال عمله لصالح شركة بترول أمريكية في السعودية، وأثناء أعمال الاستكشاف بيقابل "واين" بطل الرواية "علي" راعي شاب عايش في منطقة الوادي في الجبال العربية الغربية، وبتتطور العلاقة بينهم وبيتحولوا لأصدقاء وبيبدأوا يعيشوا مغامرات مختلفة.

Fortune Told in Blood   

بالفارسية Fal-E Khoon ، للكاتب الإيراني Davud Ghaffarzadegan، بتحكي عن اتنين من الجنود العراقيين أثناء الحرب الإيرانية-العراقية، الجنديين متمركزين في قمة جبلية معزولة في العراق والأوامر اللي متوجهالهم هي مراقبة تحركات العد، وبيوصلوا لمعلومات واستخبارات معينة بتتسبب في دمار كبير وبيتم اختبار ولائهم لبلدهم وولائهم لبعض.

 The Plague

 رواية للكاتب الفرنسي ألبير كامو بتدور أحداثها في مدينة وهران الجزائرية وقت ما بينتشر فيها مرض الطاعون، ومن خلال الظروف اللي بتمر بيها شخصية الرواية بيطرح الكاتب عدد من الأسئلة عن مصيرهم وإزاي المرض والأزمة تقدر تأثر على الشخصيات. 

الرواية بتعتمد على انتشار وباء الكوليرا اللي قتل نسبة كبيرة من سكان وهران سنة 1849 بعد الاستعمار الفرنسي ، والمرض انتشر في المدينة أكتر من مرة في 1556 و 1678 و 1921 و 1931.

 The Wells of Beersheba

“آبار بئر السبع” هي رواية قصيرة  رومانسية للكاتب الأسترالي Frank Dalby Davison عن معركة بئر سبع ، اللي حصلت في فلسطين في 31 أكتوبر 1917 خلال الحرب العالمية الأولى، الكاتب كان في  في سلاح الفرسان البريطاني أثناء الحرب.

The Sheltering Sky

الرواية للمؤلف الأمريكي Paul Bowles  وبتحكي عن "بورت وكيت" الزوجين اللي بيقرروا يعملوا رحلة للمغرب وصحراء شمال إفريقيا عشان يجددوا علاقتهم ببعض وحل مشاكلهم الزوجية، وبيسافر معاهم صديقهم "بورت موريسبي" لكن بتتقلب الرحلة لمحاولة للنجاة والبقاء على قيد الحياة بسبب المخاطر اللي بيتعرضوا ليها لجهلهم بالمكان من حواليهم وضياعهم في الصحراء.

الرواية تم تصنيفها كواحدة من أفضل 100 رواية من القرن العشرين من مجلة تايم واتحولت لفيلم بنفس الإسم.

The Father Of Locks

المكان هو بغداد والبطل هو "إسماعيل" الحرامي اللي بيحلم يكون شاعر بغداد المدينة المليانة بالقصص والأسرار، بسبب شغله كعميل غير منتظم للوزير جعفر البركامي، وبيكتشف حقائق صادمة، الرواية من تأليف Andrew Killeen واتنشرت لأول مرة سنة 2009 .

اعرف كمان 16 كتاب عربي ماخدوش حقهم يستحقوا القراءة