«قلبي مساكن شعبية» ضمن 7 أغاني «منير» مش أول واحد يغنيها

الكينج محمد منير .. عدى الـ60 سنة .. خلال تاريخه الطويل ده عمل اكتر من 25 ألبوم .. خلوه هو "الملك" ومفيش حد بينافسه، بس رغم كده هو ليه أغاني اتعرف بيها وألبوماته كمان كانت باسمها 

*امبارح كان عمري عشرين

اصلها اغنية جزائرية اسمها "البارح عمري عشرين" لمغني اسمه الهاشمي قروابي اتوفى سنة 2006 .. الكلمات هي هي واللحن تقريبا هو هو 

*قلبي مساكن شعبية

الأغنية اللى محبين منير وغير محبيه بيحبوها وبيعتبروها علامة في تاريخه، اغنية سودانية اصلًا اسمها بطاقة شخصية وبتتقال "الشعب السوداني حبيبي وشرياني"، الأغنية كمان  ليها طابع سياسي وانتفاضة وصور مظاهرات، بس منير خلاها اغنية للكل، مؤلفها محجوب شريف وغناها عبداللطيف عبدالغني المشهور باسم وردي الصغير سنة 1984 

* وسط الدايرة 

الأغنية دي كمان سودانية بس للوردي الكبير بقى .. اللي يقال انه خال محمد منير، المهم إن الكينج غنى الأغنية دي بالتراضي يعني 

* شمندورة 

ايوه عارفين انها اصلًا تراث نوبي، بس الحقيقة النوبيين مش مبسوطين اوي انه غناها رغم ان الناس عرفت الأغنية اكتر من محمد منير .. بس بما إن الأغنية تراث كل مغنيين السودان والنوبة تقريبًا غنوها 

*أغاني أحمد منيب 

معروف إن منير غنا كتير لمنيب لكن فيه أغاني بعينها معلمة من منيب اكتر خصوصًا إن منير غناها بعد وفاته، مش مجرد لحنها ليه