ده مبلغ عال ماهوش بطال.. يا ترى الدولار ممكن يشتريلك إيه في كل بلد؟

الدولار طار.. من بعد التعويم والدولار مانزلش عن 16 جنيه مصري، ورغم إن 16 جنيه دلوقتي مابقاش مبلغ مهم خالص، إلا إنك ممكن تفطر بيهم ويكفوك وزيادة، لو أنت من هواة عربيات الفول ومطاعم الأكل الشعبي. أو ممكن تدخل السوبر ماركت تشتري بقيمة الدولار ده أكتر من حاجة.

لو روحت أمريكا بقى أو السعودية أو الكويت، أو أي دولة تانية خلقها ربنا، هتكتشف إن الدولار ممكن يجيبلك حاجات أقل كتير، ويمكن في أماكن تانية يكون بيجيبلك حاجات أكتر. دي مش ميزة ولا عيب، دي حقائق اقتصادية بتعكس قوة العملة المحلية لكل بلد. 

من غير كلام كتير، اتفرج على الفيديو ده وشوف لو معاك دولار ممكن تجيب بيه إيه ومنين؟