"VOO" احتفل بمرور 6 سنين على كونه أكتر أبليكيشن معاك في الساحل

في الوقت اللي بيفصل بين آخر لحظات بحر في الساحل وأول خروجة بالليل، بيطلع الجوع فجأة، محتاج كيس شيبسي، تلج، أو باكيت قهوة نسيت تاخده معاك، ساعتها الحل، ولمدة 6 مواسم صيف فاتوا في الساحل الشمالي هو نفس التلات حروف: "Voo".

"Voo" أبلكيشن نزل الساحل كخدمة دليفري مريحة ومن ساعتها بقى جزء من روتين موسم الساحل، واكتسب سمعته كـ "الأبليكيشن اللي مابينامش".

هو الأبليكيشن اللي الناس بتروح له أول ما التلاجة تفضى بالليل وتلاقي أقرب محل بعيد عنك، اللي بدأ كحل سريع ومريح بقى دلوقتي جزء من روتين حياتك في الساحل طول الصيف، والعادة دي بتزيد وتثبت أكتر مع كل سنة بتعدي.

ولو بتسأل إنك ممكن تكون في مكان في الساحل "Voo" ميقدرش يغطيه أو يوصلك فيه، فا لازم تعرف إن "Voo" مغطي الساحل من "هاسييندا باي" لحد "ألماظة باي" وهي مسافة كانت زمان معناها مشاوير طويلة ومحلات قافلة أول ما الشمس تروح.

البقالة، الأكل الطازة، الحاجات الضرورية بتاعة أخر لحظة، كل ده بقى بيتطلب بدوسة واحدة على الشاشة، وبيوصل بسرعة عشان السهرة ماتقفش. على مدار 6 سنين، براند "Voo" فضلت تظبط خدماتها على اللي الناس محتاجاه بجد، بيبصوا على المنطقة بتاكل إزاي وبتتبسط إزاي وبتشتري إيه، وبعدها بيعملوا الخدمة على أساس النمط ده.

6 سنين رقم محتاجين نقف عنده، بس "Voo" شكله مهتم أكتر بكتير باللي جاي. ومع استمرار صيف تاني في الساحل، الوعد لسه بسيط وواضح زي ما هو: أي حاجة تحتاجها في أي وقت اطلبها، والدليفري هيكون خلاص في السكة لباب بيتك.