معرض سيتي سكيب العقاري راجع تاني بنسخة أكبر من يوم 24 لـ 27 سبتمبر

تحت رعاية رئاسة مجلس الوزراء، ووزارة الإسكان والمرافق والمجتمعات العمرانية النسخة الـ 14 من معرض سيتي سكيب هتكون من يوم 24 لـ 27 سبتمبر في مركز مصر للمعارض الدولية، بالقاهرة الجديدة، يعني أربع أيام كاملة مليانة فرص واستكشاف لكل اللي مهتم بالسوق العقاري.

سيتي سكيب هو أكبر معرض عقاري في الشرق الأوسط وأفريقيا، والدورة دي هيجمع أكتر من 80 مطور عقاري محلي ودولي تحت سقف واحد، عشان يعرضوا أكتر من ألف مشروع سكني وتجاري واستثماري، يعني لو أنت مستثمر أو نفسك في بيت جديد أو مشروع تجاري، دي هتكون الوجهة الصح اللي لازم تبدأ تدور منها.

المعرض السنة دي كمان هيقدم عروض حصرية وتخفيضات على مدار أيامه الأربعة، وفرص حقيقية للشراء أو الاستثمار في مشاريع عقارية بأسعار مميزة. وكمان لأول مرة هيكون فيه جناح دولي مخصص بالكامل للمطورين العالميين، وشركات من اليونان والإمارات وعمان وغيرهم، تقدر تتكلم معاهم عن فرص استثمارية مختلفة، فلو عايز بيت في إسطنبول أو فيلا في ميكونوس سيتي سكيب جابهم لحد عندك.

ولأول مرة السنة دي سيتي سكيب مجهزلك VIP Experience أو تجربة كبار الزوار. التجربة اللي متصممة مخصوص عشان توفر ليك موقف سيارات خاص جنب المدخل مباشرة، ودخول سريع من غير انتظار في الطوابير، وكمان دخول صالة الـ VIP اللي تقدر فيها تقابل كبار المطورين والمستثمرين وقادة القطاع العقاري في جو هادي ومريح، كل ده وأكتر عشان تقدر تستفاد من كل دقيقة في المعرض من غير أي توتر أو انتظار، فاحجز دلوقتي تذكرتك من على TicketsMarche من هنا، عشان تكون جزء من معرض مايتفوتش.

وعشان سيتي سكيب يهمها إن تجربتك تكون ناجحة في كل دقيقة فهما كمان اتعاقدوا مع شركة London Cab لخدمات التنقل في مصر، عشان يكون عندك وسيلة سهلة ومستدامة توصلك للمعرض، وده لما تحمل أبليكيشن London Cab وتستخدم كود الخصم CS20 وتستمتع بخصم 20% على رحلتك لـ سيتي سكيب.

وفي الـ Cityscape Talks اللي هينظمها المعرض هيشارك مجموعة من أكبر الأسماء في المجال زي شهاب العرابي المدير العام لشركة مدن، د. أحمد شلبي الشريك المؤسس والرئيس التنفيذي لشركة تطوير مصر، م. أحمد صبور رئيس مجلس الإدارة والعضو المنتدب لشركة الأهلي صبور للتنمية العقارية، هشام مهران الرئيس التنفيذي لشركة أورانج مصر، وغيرهم كتير.

وعشان تعرف أكتر عن الفعاليات، وأهم العارضين، وجدول جلسات Cityscape Talks تقدر تدخل على موقع أو أبليكيشن Cityscape Egypt من هنا، وتعرف كل المعلومات اللي محتاجها، ولو كنت سجلت بالفعل، فهتقدر بسهولة تجهز زيارتك وتستفيد بالخريطة التفاعلية، اللي هتخليك تقدر تشوف المعرض بكل سهولة.

سيتي سكيب مش بس معرض، ده تجربة كاملة بتجمع بين الفرص والمعرفة والتواصل في مكان واحد، وكل ده في أربع أيام بس. خلي نفسك في قلب الصورة واحضر مع أكبر المطورين والشركات، وشوف أحدث المشاريع اللي هتشكل مستقبل السوق العقاري في مصر وأفريقيا.