فيلم "سهر الليالي" هيتعرض في سينمات رينيسانس أيام 14 و15 فبراير

سينمات رينيسانس أعلنت عن عرض فيلم "سهر الليالي" أيام 14 و15 فبراير، بمناسبة عيد الحب. الفيلم أحداثه بتدور عن 4 أزواج صحاب، وبتبدأ الأحداث في الليلة اللي كلهم بيجتمعوا فيها في حفلة عيد ميلاد بنت واحد منهم، وفي الليلة دي بيحصل خلافات بين الأزواج وزوجاتهم، لأن حياتهم العاطفية مليانة توتر، فالرجالة الأربعة بيقرروا يسيبوا القاهرة ومشاكلها، وبيسافروا لإسكندرية علشان يعيدوا حساباتهم.

فيلم "سهر الليالي" من بطولة: شريف منير، فتحي عبد الوهاب، أحمد حلمي، منى زكي، علا غانم، خالد أبو النجا، حنان ترك، جيهان فاضل، ومن تأليف تامر حبيب، وإخراج هاني خليفة.

سينمات رينيسانس موجودة في القاهرة بوسط البلد، وداندي مول، ومدينتي، والرحاب، وفي إسكندرية في سان ستيفانو وسموحة، سعر التذكرة 200 جنيه وتقدر تحجزها من خلال موقع سينما رينيسانس، وتقدر تحجزها من خلال اللينك التالي: سهر الليالى | Coming Soon | Pre-Book Tickets | Renaissance Cinemas Egypt، وبنفكرك إن التذاكر محدودة.