فيلم "6 أيام" بطولة أحمد مالك وآية سماحة هيرجع للسينما تاني

شركة "سي سينما برودكشنز" المنتجة لفيلم "٦ أيام"، قررت إعادة الفيلم للسينما من جديد وده من خلال عرضين جديدين في سينما أرابيلا في القاهرة الجديدة، أيام الجمعة والسبت 11 و12 أبريل، حفلة الساعة 10 مساءً بناءً على طلب الجماهير.

أحداث الفيلم بتدور عن "يوسف" و"عالية" اللي بيتقابلوا بعد سنين من فراق فرضته عليهم ظروف قهرية وهما في المرحلة الثانوية، الصدفة بتجمع بينهم مرة تانية بعد ما كل واحد بقى عنده مسار مختلف في حياته عن التاني، فهل هتتغير المشاعر مع تغيرهم ونضجهم بمرور السنين؟

الفيلم من بطولة أحمد مالك وآية سماحة، ومن تأليف وائل حمدي، وإنتاج شركة "سي سينما برودكشنز" لـ هاني نجيب وأحمد فهمي، وإخراج كريم شعبان.