جزء تاني من "السلم والتعبان" بطولة منة شلبي وعمرو يوسف

المخرج طارق العريان، أعلن عن بداية التحضير لجزء تاني من فيلم "السلم والتعبان" واللي هيكون من بطولة منة شلبي وعمرو يوسف، وده بعد 24 سنة من عرض الجزء الأول.

ووضح "طارق" خلال حفل توزيع جوائز صناع الترفيه "Joy Awards"، إن الجزء الجديد من الفيلم هيضم أبطال جديدة، والشهر الجاي هيبدأ التصوير. وأكد "طارق" إن محمد حفظي بيواصل كتابة الفيلم، اللي بتدور أحداثه ضمن إطار رومانسي، وهيشهد عدد من المفاجآت.