أبليكيشن "أبجد" هيساهم في علاج محاربات من مؤسسة "بهية" كل ما تقرأ كتاب

أبليكيشن "أبجد" للكتب تعاون مع مؤسسة "بهية" لدعم محاربات سرطان الثدي في رمضان، والتعاون ده بينص على إن قصاد الكتب اللي هتقرأه من الأبليكيشن، "أبجد" هيساهم في علاج محاربات السرطان من مؤسسة "بهية". 

كل 10 آلاف ساعة هيكون قصادهم تغطية تكلفة عملية لواحدة من المحاربات، وتقدر تتابع عدد ساعات القراءة من الأبليكيشن. 

والهدف الوصول لـ 100 ألف ساعة قراءة وتغطية 10 عمليات لمحاربات السرطان ويدوهم فرصة للشفاء. 

المشروع ده بينطبق على كل الكتب حتى الكتب المجانية اللي مش محتاجة لاشتراك مدفوع، وده معناه إن أي حد يقدر يكون جزء من الخير. والأبليكيشن موجود على IOS وأندرويد.

الصورة لمحاربات بهية في بورسعيد.