"أسبوع الجونة للصورة" من 3 لـ 12 ديسمبر 2026

الدورة الثانية من أسبوع الجونة للصورة هتكون من 3 لـ 12 ديسمبر الجاي، وهتضم معرض فوتوغرافي اسمه "أم كلثوم في باريس"، هيتعرض فيه صور من الحفلات اللي أحيتها كوكب الشرق في باريس، وتفاعل الجمهور معاها، وده عشان الجمهور يكون عنده فرصة لإعادة اكتشاف جانب من مسيرة أم كلثوم الفنية من منظور بصري مختلف.

كمان هيكون في معرض عن ذاكرة السينما المصرية، هيعرض صور استوديو المصور الكبير محمود بكر، واللي هيعرض من خلاله جانب من تاريخ السينما المصرية، من خلال الإرث الفوتوغرافي اللي يجمع بين أعماله وأعمال والده المصور الراحل حسين بكر خلال 70 سنة، واللي ساهم في توثيق عدد كبير من الأعمال السينمائية ونجوم الفن في النصف الأول من القرن العشرين.

جدير بالذكر إن "إسبوع الجونة للصورة" بيرجع من جديد لمدينة الجونة بعد غياب 4 سنين، في نسخة بتنظمها فوتوبيا وبتجمع فيها صناع الصورة والفنانين والمهتمين بفنون التصوير من مصر وفرنسا وإيطاليا وإنجلترا والسعودية وغيرها من الدول.

الصورة من فيلم "نشيد الأمل" تصوير محمد بكر