مصر تستهدف زيادة نسبة المكون المحلي في صناعة الهواتف لـ70% بنهاية 2026

المهندس محمد إبراهيم، نائب رئيس الجهاز القومي لتنظيم الاتصالات، قال إن التصنيع المحلي المصري للموبايلات زاد بنسبة 50% مقارنة بآخر سنتين، ومصر بتستهدف توصل لـ70% بنهاية 2026، بالتوازي مع الانتقال لمرحلة تصدير الهواتف المصنعة محليًا للأسواق الخارجية.

وأوضح إن مصر كمان نجحت في جذب 15 علامة تجارية عالمية لتصنيع الموبايلات وملحقاتها، من خلال أكتر من 10 مصانع مصرية بتشغل حوالي 15 ألف عامل.

جدير بالذكر إن التصنيع المحلي كان بيمثل حوالي 10% بس من السوق خلال السنتين اللي فاتوا، في وقت كان الاستهلاك السنوي بيتجاوز 20 مليون موبايل، والنجاح ده حصل ضمن إطار المبادرة الرئاسية "مصر تصنع الإلكترونيات" اللي هدفها تعميق التصنيع المحلي، وتوطين الصناعة وتعزيز الإنتاج بجودة عالية وأسعار تنافسية.