"التايمز": شرم الشيخ من أفضل الوجهات للزيارة خلال شهر أبريل 2026

التقرير قال إن أبريل في بريطانيا بيبقى الطقس متقلب، عشان كده ناس كتير بتحب تدور على وجهات تكون فيها الأجواء شمسية ودافية. 

ومن ضمن الوجهات اللي رشح التقرير السفر ليها خلال شهر أبريل، كانت:

سيشل، والمالديف، وبالي في إندونيسيا، وكوستاريكا، وناميبيا، ولاس فيجاس، وبوليفيا، وأستراليا، وجزر فيرجن الأمريكية، وبانكوك في تايلاند. وده للرحلات الطويلة، الأكتر من 10 ساعات طيران.

أما للرحلات الأقصر (أقل من 8 ساعات طيران) فالتقرير رشح: مراكش في المغرب، وصقلية في إيطاليا، وشرم الشيخ في مصر، وجران كناريا في إسبانيا، ورودس في اليونان، وقبرص.

ترشيح شرم الشيخ جه بسبب أنها واحدة من أفضل وأوفر الوجهات للشمس في أبريل، خصوصًا لعشاق الرحلات الشاملة (All Inclusive). عشان المنطقة مليانة منتجعات على البحر، وكتير منها فيه شعاب مرجانية تقدر تعمل سنوركلينج قدام الشاطئ مباشرة.

كمان أشار إن أبريل بداية لموسم الغطس الصيفي، مع عدد أقل من الزحمة مقارنة بالصيف.