تنظيم الاتصالات": عقوبة على شركات التسويق العقاري"

 المهندس محمد إبراهيم، رئيس قطاع أول التفاعل المجتمعي بجهاز تنظيم الاتصالات، قال أن هيتم إصدار عقوبات ضد شركات التسويق العقاري اللي مش بتسجل أرقامها وبتتصل من أرقام خاصة. وقال إبراهيم في مداخلة هاتفية في برنامج «الحكاية»، اللي بيتعرض على قناة «إم بي سي مصر»، إن الجهاز أصدر في يوليو الماضي إطار تنظيمي للتسويق عبر المكالمات الهاتفية. وقال أن أي شركة عايزة تشتغل بشكل شرعي, لازم تسجل خط الهاتف في الشركة التابعة لها كخط تسويقي، وفي  الحالة دي هيظهر على موبايل العميل اسم الشركة اللي بتتصل بيه، ومن حقه الرد أو عدم الرد. كمان قال أن الشركات اللي  بتستخدم أرقام شخصية للتسويق، تم تحويلها للنيابة العامة. كمان  الجهاز بعت تحذيرات للأرقام دي، قبل ما يحولها لخطوط استقبال فقط، وحذر الشركات اللي اشترت خطوط جديدة وقال إنهم اكتشفوا الخطوط ومش هيكتفوا بقفلها بس، لكن كمان الموبايل نفسه هيتقفل.