١٦٦١ خط ساخن من السكة الحديد للاستعلام وحجز تذاكر القطارات

الهيئة القومية لسكك حديد حددت رقم الموبايل 1661، والرقم الأرضي 09000661، أرقام الخط الساخن لخدمة العملاء للاستعلام وحجز تذاكر القطارات، الخدمة متوفرة على مدار الـ 24 ساعة بسعر جنيه ونص للدقيقة، ومركز خدمة العملاء الجديد بيوفر خدمات مختلفة، وهي:
1- الاستعلام عن بيانات ومواعيد قطارات كل الخطوط .
2- الاستعلام عن طرق وقنوات بيع التذاكر على مستوى الجمهورية .
3- الاستعلام عن التذاكر المستخرجة من قنوات البيع المختلفة ( الموقع الإلكترونى، تطبيق الهاتف المحمول، وكلاء البيع،..)
4- تسجيل الشكوى
5- حجز مقاعد القطارات الفاخرة والمكيفة في كل الخطوط

وعشان تستفاد من الخدمة تقدر تعمل الخطوات دي:

1- اتصل بأرقام مركز خدمة العملاء لحجز تذكرتك.
2- الموظف هيوضحلك المعلومات الخاصة بحجزك.
3- بتأكيدك الحجز خدمة العملاء بتبعت طلب حجز للنظام الآلي لحجز وإصدار التذاكر .
4- هيتبعتلك رسالة SMS على رقمك المسجل في طلب الحجز فيها رقم الدفع (الرقم المرجعي)، وبتسدد قيمتها عن طريق خدمة "فوري".

5- بعد عملية الدفع هتستقبل رسالة SMS فيها برابط تحميل التذكرة على الموبايل.