شركة "جريت وول موتورز" هتصنع 5 أنواع من السيارات في مصر

المستشار محمد الحمصاني، المتحدث باسم مجلس الوزراء، قال في محادثة هاتفية مع الإعلامية عزة مصطفى في برنامج "الساعة 6"، إن شركة "جريت وول موتورز" هتصنع 5 أنواع من العربيات، وإن المكون المحلي في العربيات دي هيكون كبير  وهيتجاوز الـ 50%، وإن الشركة مش بس هتصنع السيارات الكهربائية للسوق المحلي ولكن كمان هتصدرها للخارج.

"الحمصاني" كمان قال إن الدولة بتوفر كل الحوافز الممكنة للشركة وهيتم الانتهاء من كل التفاصيل بشرط عقد الاتفاق قبل نهاية الشهر الحالي، وإن الاستثمار هيكون في المنطقة الاقتصادية لقناة السويس.