عرض فيلم "الهنا اللي أنا فيه" على يانغو بلاي من يوم ١٤ أغسطس
بطولة كريم محمود عبد العزيز، ودينا الشربيني، وياسمين رئيس
فيلم "الهنا اللي أنا فيه" بطولة كريم محمود عبد العزيز، ودينا الشربيني، وياسمين رئيس، ومريم الجندي، هيتعرض على منصة "يانغو بلاي" من يوم 14 أغسطس.
الفيلم بيضم مجموعة من ضيوف الشرف، وهو إخراج خالد مرعي، وﺗﺄﻟﻴﻒ أيمن بهجت قمر، وإنتاج "نيو سنشري برودكشن".
"الهنا اللي أنا فيه" فيلم كوميدي بيحكي عن شخصية الدكتور أحمد، مستشار العلاقات الزوجية المشهور على السوشيال ميديا، واللي بيقدم نصايح عن بناء الشخصية والسعادة الزوجية، ولكن د. أحمد بيعاني من مشاكل حقيقية في زواجه.
والأحداث بتزيد توتر لما زوجة د. أحمد بتقترح على صديقتها إنها تتجوز جوزها، ومن هنا بيبدأ الاختبار ياترى د. أحمد هيعرف ينفذ النصايح اللي بيقولها لجمهوره؟
"الهنا اللي أنا فيه" اتعرض في السينمات سنة 2024، وحقق نجاح كبير في شباك التذاكر، وده غير أغنية الفيلم "قلب قلبي" اللي حققت 9 مليون مشاهدة على يوتيوب، واللي غناها كريم محمود عبد العزيز، وكانت من كلمات منة القيعي، وألحان وتوزيع أحمد طارق يحيى.
- الموضوع اللي فات وفاة سيد صادق عن عمر 80 سنة
- الموضوع اللي جاي المتسلقة راوية عبد الله رفعت علم مصر لأول مرة على قمة "جاشبروم 1"
