عرض فيلم "موعد على العشاء" يوم ١٨ يونيو بسينما زاوية
احتفالًا بعرض أول حلقتين من بودكاست "موعد مع"
سينما "زاوية" هتعرض فيلم "موعد على العشاء" بطولة سعاد حسني، وحسين فهمي، وأحمد زكي، يوم الخميس 18 يونيو الساعة 7 مساءً، والتذاكر هتكون متاحة من خلال شباك التذاكر وموقع السينما قريب. "موعد على العشاء" بيحكي عن نوال المتجوزة رجل الأعمال المتسلط عزت، واللي بتطلب منه الطلاق، وفي نفس الوقت بتتعرف على شكري صاحب المؤهل العالي ومصفف الشعر، واللي بتقع في حبه. ولكن عزت بيعرف وبيحاول يفرق بينهم بكل الطرق. عرض الفيلم هو احتفالًا بعرض أول حلقتين من بودكاست "موعد مع"، واللي بيقدمه يمنى خطاب وكريم الدليل بدعم من الاتحاد الأوروبي بالتعاون مع EUNIC، وهو بيحكي عن الأفلام المصرية اللي فضلت عايشة في ذاكرة الجمهور حتى بعد سنين طويلة من عرضها. ومن خلال الحلقات، بيحلل يمنى وكريم الشخصيات والحوار وطريقة التصوير، وبيحاولوا يفهموا إيه اللي خلّى الأفلام دي تفضل مؤثرة ومحبوبة لحد النهارده.
الأكثر متابعة هذا الشهر
-
-
-
12 يونيو 2026 -
