فتح باب التقديم لمسابقة "داود عبد السيد لسينما المؤلف"

المسابقة بتأكد على أهمية السيناريو كعنصر أساسي في صناعة الفيلم وجودته الفنية، وهي احتفاء بإسهامات المخرج الراحل داوود عبد السيد. 

 جايزة المسابقة هتكون 50,000 جنيه مصري، وهي جائزة سنوية مستمرة لدعم سينما المؤلف وتشجيع المواهب الجديدة من كتاب ومخرجين السينما في مصر والأفارقة المقيمين بها.

ولجنة تحكيم المسابقة بتضم مجموعة من الكُتاب زي عبد الرحيم كمال، ناصر عبد الرحمن، وسام سليمان.

ومن ضمن شروط التقديم للمسابقة إن يكون السيناريو صالح لإنتاج فيلم روائي طويل والمؤلف بتاعه هو اللي هيكتبه ويخرجه، ولازم يكون المؤلف/المخرج مصري الجنسية أو أفريقيا ومقيم في مصر.

والمتقدم للجايزة ماينفعش عمره يكون أكتر من 35 سنة وقت تقديمه على المسابقة، والعمل مينفعش يكون اتقدم في أي مسابقة قبل كدة.

هيتم اختيار عمل واحد من قبل لجنة التحكيم عشان يفوز بالجايزةـ وآخر معاد للتقديم يوم 26 فبراير 2026، وتقدر تقدم من اللينك ده: https://forms.gle/3wgza9MpAZ88TDG16.