فولكس فاجن هتبدأ تصنيع عربياتها في مصر في مصنع ببورسعيد

 مصر عملت اتفاقية مع مجموعة فولكس فاجن الألمانية علشان نبدأ تصنيع عربيات الشركة هنا في مصر خلال السنين الجاية، وده جه نتيجة اجتماع حصل بين نائب رئيس مجلس الوزراء للتنمية الصناعية، ووزير الصناعة والنقل، وتوماس شيفر الرئيس التنفيذي للمجموعة. 

توماس قال إنه عايز يتوسع في السوق المصري ونصنّع عربيات فولكس فاجن هنا، وده هيبدأ بالتصنيع في مصنع الشركة المصرية الألمانية للسيارات "إجا"، وبعدين هيتعمل مصنع عربيات متكامل في المنطقة الصناعية في شرق بورسعيد.

الكوادر المصرية اللي حضرت الاجتماع رحبوّا بالتعاون ده وأكدوا على إنهم هيوفروا بيئة مناسبة للاستثمارات الأجنبية، وإن المجموعة لازم تستفيد من مزايا السوق المصري، وإن التعاون ده في الآخر هيعزز مكانة مصر صناعيًا وإقليميًا.

كمان توماس شيفر قال إن مصر بتمتلك مقومات بتخليها بتقوم بدور محوري في مستقبل صناعة العربيات في إفريقيا، خصوصًا موقعها الجغرافي الاستراتيجي. 

وختم كلامه بإن التعاون بين فولكس فاجن والصناعة المصرية بيمثل خطوة جديدة لشراكة طويلة المدى بينهم، والشراكة دي هدفها دعم توطبيع الصناعة وتعزيز المنافسة، وزيادة الصادرات.