لأول مرة من ٦٠ سنة.. تطوير كورنيش النيل في أسوان

الحكومة المصرية أعلنت تطوير كورنيش النيل في أسوان لأول مرة من 60 سنة، وهيتم تنفيذ ممشى زجاجي عشان السياح وزوار المدينة في الشتا يستمتعوا بالمشي فوق مجرى النيل مباشرة. 

المشروع بيشمل المنطقة الوسطى المواجهة لحديقة بلازا درة النيل، وبتضم 56 محل وكافتريا وبازار ومطعم سياحي، مدعمين بمنظومة حريق كاملة ودورات مياه عمومية ومصاعد كهربائية، بالإضافة إلى توفير كل متطلبات ذوي الهمم فى الحركة طبقًا للكود المصرى.

اللواء إسماعيل كمال، محافظ أسوان، قال إن فكرة الممشى متاخدة من فكرة تطبيقه في القاهرة، وإن الفكرة اتنفذت برضو في مدينة إدفو وأبو سمبل، وتم الانتهاء من المرحلة الأولى والتانية من أعمال التطوير بالممشى السياحي في محافظة أسوان، لكن التطوير مكنش مقتصر على الممشى بس، لكن كمان كل المنطقة المحيطة سواء ميدان محطة القطار، أو حديقة درة النيل وبعد كده الكورنيش بالكامل، وإن الممشى هيكون جاهز للافتتاح خلال الأسابيع الجاية.

تابع كل أخبارنا على قناتنا الرسمية على واتساب: الفصلة - El Fasla

#اللي_بيحصل