"مدبولي": 42% من الطاقة المصرية هتكون نظيفة بنهاية سنة 2030

الدكتور مصطفى مدبولي، رئيس مجلس الوزراء، قال في مؤتمر صحفي بعد اجتماع الحكومة الأسبوعي، إن الحكومة بتركز على القطاعات الرئيسية وحولتهم للجان استشارية ومجموعات وزارية بدلًا من قطاعات في مجال الصناعة والزراعة والاتصالات وتكنولوجيا المعلومات والسياحة.

وأضاف "مدبولي"، إن حسب إفادة رئيس المنطقة الاقتصادية، مصر هيكون عندها القدرة على الإنتاج الكامل لكل مكونات الألواح الشمسية، بنهاية سنة 2025، وده تبعًا لخطة رؤية 2030 واللي بتستهدف إن مصر تنتج طاقة نظيفة بمعدل 42% من إجمالي الطاقة اللي بتنتجها.

وأوضح "مدبولي" إن مصر حققت التوازن بين الموارد والاستخدامات من العملة الصعبة، وإن الحكومة بتسعى إن الموارد تكون أكتر من الاستخدامات، لنجاح ونمو الاقتصاد المصري. ومن الأمثلة على ده إن المنطقة الصناعية في السخنة كانت بتضم من حوالي 3 سنين 65 مصنع، والنهارده فيها 130 مصنع، غير وجود 120 مصنع تحت الإنشاء.