مصر بتشارك في كأس العالم لأبطال الشوارع في أوسلو

سمعت قبل كده عن بطولة كأس العالم لأبطال الشوارع؟ دي بطولة بتقام من سنين ودلوقتي النسخة الـ 20 منها موجودة في أوسلو بالنرويج، بدأت يوم 23 أغسطس ومستمرة ليوم 30 أغسطس، ومصر بتشارك بمنتخب ولاد ومنتخب بنات. 

الفريق اللي مسافر من مصر هو منتخب تم تكوينه من خلال "نفس" وهي منظم غير هادفة للربح هدفها تأهيل الشباب والأطفال المعرضين للخطر عشان يقدروا يدخلوا في المجتمع من تاني، اتأسست في 2013 ومن خلال التواصل مع الجمعيات ومراكز الشباب قدروا يكونوا أول فريق ومنتخب مصر شاركت بيه في كأس العالم لأطفال الشوارع في 2014. 

البطولة دي مش مجرد بطولة عشان تكسب أو تفوز لكنها دليل حي إن الرياضة وكرة القدم ممكن تكون وسيلة عشان تحسن حياة الأطفال وتدافع عن حقوقهم وتديهم حياة مختلفة.